John Mollard het al in 1802 die eerste weergawe van uieringe in ’n Britse kookboek neergeskryf. Vandag eet ons dit steeds! Hier is ’n vinnige en maklike resep:
BASIESE BESTANDDELE:
2 groot uie in dik ringe gesny
Olie vir diepbraai
Ekstra meel om in te doop
BESLAG:
310 ml bruismeel (175 g)
3 ml sout
5 ml fyn paprika
15 ml papawer- of sesamsaad
250 ml water of bier
METODE:
- Sif meel, sout en paprika saam. Voeg saad en water by. Meng goed en laat staan vir minstens 30 minute.
- Doop uieringe in ekstra meel, dan in beslag en diepbraai in olie tot goudbruin. Sit voor met ’n sous van jou keuse soos tartare- of soutsous.
(Lewer 4-6 porsies)
Bron: Vars en Flatervry – Heilie Pienaar (Struik Media)
