Die Suid-Afrikaanse Weerdiens het hulle weervoorspelling vir die week vrygestel. Volgens die voorspelling kan ’n groot gedeelte van die land reën verwag.
’n Geel vlak 2-waarskuwing is uitgereik vir die sentrale dele van die Noord-Kaap wat Upington, Prieska en De Aar insluit. Erge donderstorms en moontlike vloede word vir daardie gedeeltes voorspel.
Verder is ’n geel vlak 1-waarskuwing vir winde wat skade kan aanrig vir die kusgebied tussen Port Alfred en Port Edward aan die ooskus uitgereik.
Daar is vanaand ’n groot moontlikheid van verspreide donderbuie vir dele tussen Graaff-Reinet en Gqeberha, asook langs die ooskus tussen Richardsbaai en Phalaborwa.
Môre kan reën oor die sentrale binneland asook die noorde van Limpopo en Mpumalanga verwag word.
Bron: SAWS
