VSA. – Donald Trump het Maandag gesê vredesamesprekings tussen Rusland en Oekraïne sal “onmiddellik” plaasvind ná ’n oproep Maandag met Wladimir Poetin.
Lees ook: Vredesamesprekings oor Rusland-Oekraïne oorlog begin sonder Poetin
Moskou het gesê Poetin het ingestem tot vredesamesprekings in die toekoms en om ’n memorandum vir ’n skietstilstand te skep, maar dat daar geen “sperdatums” is nie, want die proses is “kompleks”.
Kremlin-woordvoerder Dmitry Peskov het gesê die proses vir Moskou en Kijif om ’n memorandum te skep waarmee albei lande saamstem, sal kompleks wees en dat daar geen sperdatum kan wees nie.
Dit volg ná Poetin geweier het om vredesamesprekings op 15 Mei met die Oekraïense president Wolodomir Zelenski by te woon. Oekraïne en Rusland het tydens hierdie samesprekings ingestem om gevangenes uit te ruil en om verdere samesprekings in die toekoms te hê.
Bronne: The Independent, USA Today, The Sun
Lees ook: Vredesamesprekings oor Rusland-Oekraïne oorlog begin sonder Poetin
