DONETSK, OEKRAÏNE. – Die Oekraïense president, Wolodomir Zelenski, het ’n Russiese aanval veroordeel wat 21 pensionarisse in Yarova, Donetsk gedood het.
Lees ook: Minstens 28 mense is in Kijif dood ná Russiese aanvalle
Volgens Zelenski het ’n bom Yarova getref en 21 pensionarisse gedood wat gewag het om hulle pensioen te ontvang en nog 21 mense beseer.
Volgens Zelenski was die aanval direk op burgers gerig en hy het die internasionale gemeenskap gevra om Rusland ekonomies vir die oorlog deur addisionele sanksies te laat betaal. Hy het gesê “die wêreld moenie stilbly nie. Die wêreld moenie onaktief bly nie. Die VSA kort ’n reaksie. Europa kort ’n reaksie. Die G20 kort ’n reaksie. Sterk aksie is nodig sodat Rusland kan ophou dood bring”.
Rusland het nog geen kommentaar oor die aanval gemaak nie.
Bronne: Euronews, CBS News, Sky News
Lees ook: Minstens 28 mense is in Kijif dood ná Russiese aanvalle
