OOS-KAAP. – ‘n 99-jarige vrou is na bewering Dinsdag, omstreeks 01:20, op Lusikisiki verkrag. Die plaaslike polisie doen ’n beroep op die gemeenskap om met inligting na vore te kom wat tot die inhegtenisneming en suksesvolle vervolging van ’n onbekende man sal lei.
Volgens kapt. Welile Matyolo het die bejaarde vrou alleen in haar huis geslaap toe ’n onbekende man deur ’n oop deur toegang tot die woning verkry het. Hy het na bewering ’n helder lig in haar oë geskyn en haar daarna verkrag, voordat hy die toneel verlaat het.
Enigiemand met inligting word gevra om na vore te kom en kol. Siyabulela Kufa by 082 302 5118 of 083 427 9656 te bel.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
