DURBAN, KZN. – ’n Video van ’n man wat aan die kant van ’n woonstelgebou in Durban rondklouter, doen tans op sosiale media die rondte.
Volgens SA Trucker is dit onduidelik waarom hy dit doen.
In die video kan gesien word hoe hy ten minste vier verdiepings van die grond is terwyl inwoners hom aanmoedig om af te klim. Die onbekende man is beseer, want hy los bloedspatsels teen die muur so ver as wat hy gaan.
Aan die einde van die video breek hy ’n venster en klim terug in die gebou na veiligheid. Dit is onduidelik wanneer die voorval plaasgevind het.
Bronne: SA Trucker, Twitter
