Lees ook: Trump kies WWE-medestigter & Dr. Oz vir belangrike poste
LAS VEGAS, VSA. – ’n Man (43) wat die polisie gebel het vir hulp na iemand by sy huis ingebreek het, is deur die polisie doodgeskiet.
Brandon Durham het op 12 November 911 gebel na twee mense buite sy huis geskiet het en probeer inbreek het. Die polisie het voertuie met stukkende vensters buite gekry en skade aan die huis opgemerk. Hulle het ook gehoor iemand skree in die huis, dus het Alexander Bookman (26), die polisieman wat Durham geskiet het, die voordeur oopgeskop om by die huis in te gaan.
Beeldmateriaal wat deur die polisie vrygestel is, wys hoe Bookman deur die huis met sy vuurwapen loop. Bookman het Durham in die gang gekry waar hy met ’n vrou in ’n ski-masker oor ’n mes baklei het. Bookman het geskree: “Hey, laat val die mes, laat val die mes!” en toe skiet hy Durham.
Hy het daarop gesê: “Steek jou hande in die lug” en toe nog vyf skote op Durham, wat op die vloer gelê het, geskiet.
Durham is op die toneel dood verklaar. Die vrou wat ingebreek het, is in hegtenis geneem. Sy en Durham was glo voorheen in ’n romantiese verhouding. Bookman is op betaalde verlof geplaas terwyl die polisie ondersoek of hy reg opgetree het.
Bronne: BBC, USA Today, CBC News
Lees ook: Trump kies WWE-medestigter & Dr. Oz vir belangrike poste
