GAUTENG. – Inwoners van Tshwane word vroegtydig gewaarsku oor ‘n beplande 24-uur Rand Water-afskakeling waartydens reservoirs en watervoorsiening geraak sal word.
Die beplande herstelwerk op die 02-pyplyn sal op 25 en 26 Januarie oor ‘n naweek plaasvind. Waterdienste wat aan die Klipfontein-, Brakfontein- en Hartebeeshoek-reservoirs, wat Tshwane bedien, verskaf word, sal geraak word. Dit sal veroorsaak dat meters en reservoirs lae druk tot geen watervoorsiening kan hê.
Indien moontlik sal reservoirs vooraf gevul word en inwoners word gemaan om water spaarsamig te gebruik.
‘n Lys van gebiede wat geraak word, kan hier onder in die volledige verklaring gekry word.
