GAZA. – Meer as 200 Palestynse burgers, insluitend kinders, is dood en sowat 100 is beseer na Israel Gaza vanoggend (Dinsdag) aangeval het.
Lees ook: Hamas oorhandig vier liggame aan Israel in ruil vir gevangenes
Benjamin Netanyahu, die eerste minister, se kantoor het bevestig die weermag is beveel om Gaza weer aan te val omdat Hamas geweier het om die oorblywende 59 gyselaars te laat gaan en die mislukking van weke se samesprekings om die aanvanklike skietstilstand verleng te kry.
Hamas het gewaarsku dat Israel die skietstilstand oortree het en die gyselaars nou in gevaar geplaas het.
Die Israeliese lugaanvalle volg slegs ure na ’n beplande betoging teen Netanyahu in Israel sou plaasvind.
Israel wou die eerste fase van die skietstilstand verleng hê, maar Hamas het geweier en wou beweeg na die tweede fase waartydens ’n einde aan die oorlog bespreek sou word en die Israeliese weermag uit Gaza sou onttrek.
Israel het gister benewens Gaza ook Libanon en Sirië in aanvalle geteiken.
Bronne: Euronews, Sky News, CNN
Lees ook: Hamas oorhandig vier liggame aan Israel in ruil vir gevangenes
