NIGERIЁ. – Die president van Nigerië, Bola Tinubu, het die week veiligheidsagentskappe beveel om die verdagtes wat die naweek die dood van 150 mense veroorsaak het, te vang.
Lees ook: Dodetal styg tot 150 ná aanval in Nigerië
Tinubu het die Benue-staat besoek ná die naweek se aanval toe gewapende verdagtes by die Yelewata-gemeenskap ingestorm het en op die mense begin skiet het en hulle huise aan die brand gesteek het.
Tinubu het belowe die verdagtes sal in hegtenis geneem word.
Owerhede in die Benue-staat het herders vir die aanval blameer. Daar is konflik tussen die herders en boere in die gebied met die boere wat beweer herders vernietig hulle grond deur hulle diere daar te laat wei.
Bronne: AfricaNews, The Independent, INKL.
