Ek het hier geleer dat ek tot baie meer in staat is as wat ek gedink het.
Ek het nie besef dat ek binne slegs sewe maande soveel kon groei en leer nie. Dit gaan nog steeds my verstand te bowe.
FiND iT is ‘n plek waar ek myself kan wees, waar ek aanvaar word, maar nog steeds onder soveel druk my beste ten alle tye wil gee.
Ek was nooit ‘n groot voorstander van sosiale media nie, maar hier het ek besef watter groot impak een “post” kan hê, hoeveel mense eintlik belangstel in hulle medemens en wat in hul tuisdorp aangaan. Dit is verbasend hoeveel mense sosiale media gebruik om met ander mense te kommunikeer.
Ek weet FiND iT gaan vir baie jare nog bestaan en ek is so geëerd om deel te wees van dié suksesvolle nuuskoerant!
Baie geluk FiND iT! – Kristen Meyer
