Mel Viljoen het ’n BackABuddy-skarefinansieringsveldtog begin om geld in te samel vir die regskoste van haar man, Peet Viljoen.
Viljoen staan tereg op sowat 400 strafregtelike klagte, waaronder bedrog en diefstal van eiendom. Die 57-jarige Viljoen is in Junie 2026 by OR Tambo Internasionale Lughawe in hegtenis geneem nadat hy uit die VSA gedeporteer is. Hy word tans in die Kgosi Mampuru-gevangenis aangehou.
LEES OOK: Peet Viljoen kom by hof aan ná Mel se openbare verskoning
Die privaatondersoeker Mike Bolhuis het reeds die publiek gewaarsku: “Moenie vir hulle enige geld of hulp gee nie.”
Die Viljoens het intussen aangedui hulle gee hulle “volle samewerking” in ondersoek deur Bolhuis.
