KWAZULU-NATAL. – ‘n Man, vermoedelik in sy 30’s, is Woensdagaand net na 07:30 tydens ‘n skietery in York-rylaan in die Bulwer-area van Berea in Durban dood. Sy vrou het ook verskeie skietwonde aan haar arms, sowel as beserings wat deur die kolf van ‘n vuurwapen toegedien is, opgedoen.
Garrith Jamiesoen van ALS Paramedics sê daar is op ‘n skietery reageer. Verskeie nooddienste was reeds op die toneel.
Die manspersoon wat geskiet is, is op die toneel dood verklaar.
Die vrou is deur gevorderde lewensondersteunende paramedici op die toneel gestablisiseer voordat sy vir verdere dringende behandeling na ‘n nabygeleë hospitaal gehaas is.
Omstandighede van die skietery word deur die polisie ondersoek.
Kry jou nuutste nuus elke oggend per e-pos. Teken hier aan:
