KWAZULU-NATAL. – Twee persone is Maandag beseer nadat ‘n BMW in ‘n restaurant in Ballito ingeploeg het.
IPSS Medical Rescue sê die voorval is verskeie kere aangemeld.
Met aankoms op die toneel is vasgestel die bestuurder van die voertuig het na bewering meganiese probleme met die voertuig ondervind. Dit het glo skielik versnel en in die restaurant ingejaag.
Twee persone het geringe tot ernstige beserings opgedoen. Paramedici het hulle geassesseer en vir verdere mediese hulp na ‘n nabygeleë fasiliteit vervoer.
Kry jou nuutste nuus elke oggend per e-pos. Teken hier aan:
