Lees ook: Tweede verdagte in Ben Gumbi-moordsaak in hegtenis
RUSTENBURG. – Die tweede verdagte in die Ben Gumbi-moordsaak het sy borgaansoek laat vaar.
Thabani Gwala (30), wat op 16 November in hegtenis geneem is vir die moord op sakeman Ben Gumbi, het sy borgaansoek laat vaar. Hy word van moord aangekla.
Die eerste verdagte, Sibongiseni Ngubane (33), is borg geweier en word ook van moord aangekla. Sake van gewapende roof en die besit van ’n vuurwapen en ammunisie is in Germiston en Alberton teen hom hangende.
Die sake teen die verdagtes is gekombineer en is tot 9 Januarie 2024 uitgestel.
Ben Gumbi is 23 Augustus buite ’n koffiewinkel in Rustenburg deur twee mans doodgeskiet. Die ander verdagtes word nog gesoek in die ondersoek na sy moord.
Bronne: SAPD, TimesLIVE
Lees ook: Tweede verdagte in Ben Gumbi-moordsaak in hegtenis
