Lees ook: Man met varklewer oorlede
GAUTENG. – Volgens die Lughawemaatskappy van Suid-Afrika (Acsa) is hulle tevrede met hulle optrede tydens ’n mediese noodgeval by die OR Tambo-lughawe.
Daar was Woensdag ’n mediese noodgeval by die lughawe. Die lughawe se bestuurder, Jabu Khambule, het gesê twee oproepe is om 12:09 en 12:10 ontvang om die noodgeval aan te meld. Een was van ’n Airlink-werker en een was van Christopher Pappas, die DA-burgemeester van uMngeni.
Khambule het gesê paramedici is ontbied en was om 12:16 op die toneel. Die vrou is behandel voor sy na ‘n hospitaal geneem is.
Pappas het op X in ’n plasing gekla die paramedici het te lank geneem om te kom, die noodfone is nie geantwoord nie en niemand het geweet wat om te doen nie.
Volgens Acsa weerspreek die feite Pappas se weergawe op X. Hulle het gesê die ooreenkoms wat Acsa en paramedici het, is dat hulle binne 10 minute moet reageer. Die paramedici was binne sewe minute daar. Khambule het gesê hulle is tevrede met hulle optrede tydens die voorval.
Shocking service at @ortambo_int. Elderly lady experienced serious medical emergency. No staff knew what to do. Emergency phones unanswered. Security guards not helpful. Paramedics took far to long to arrive. The gateway to South Africa 🙄
— Christopher Pappas (@MayorPappas) May 8, 2024
Bronne: IOL, The Citizen, TimesLIVE
Lees ook: Man met varklewer oorlede
