ECUADOR. – Agt mense is dood en twee mense is beseer in ’n skietery Sondag buite ’n nagklub in Ecuador.
Lees ook: 17 mense dood in kroegaanval in Ecuador
Volgens die polisiekolonel, Javier Chango, is sewe mense op die toneel dood en een het in die hospitaal aan sy wonde beswyk. Chango het gesê die verdagtes het in twee voertuie op die toneel opgedaag en op ’n skare buite die Napoles-nagklub in Saint Lucia losgebrand. Die verdagtes het ná die aanval met ’n “onbekende roete” gevlug.
Een van die oorledenes was die eienaar van die nagklub en die broer van die burgemeester van Saint Lucia. Die motief vir die aanval is onbekend.
Die aanval het plaasgevind ‘n paar dae nadat die land se president, Daniel Noboa, ’n 2-maande noodtoestand as gevolg van bendegeweld afgekondig het.
Bronne: DW – South Africa, BBC, The Sun
Lees ook: 17 mense dood in kroegaanval in Ecuador
