Die ANC-sekretaris-generaal, Fikile Mbalula, het gesê die ANC en DA sal Saterdag vergader om hulle verskille in die RNE uit te werk en oor die begroting te praat.
Lees ook: EFF daag aanvaarding van begroting uit in hooggeregshof
Mbalula het gesê samesprekings met ander politieke partye aangaande die begroting “verloop glad” en sal waarskynlik tot positiewe uitslae lei.
Die ANC vergader met ander partye wat deel is van die RNE, sowel as dié wat nie deel is van die RNE nie, aangaande die 2025-begroting. Verskeie partye het die begroting oor ’n 0.5%-verhoging in BTW teengestaan.
Mbalula het gesê die partye waarmee hulle reeds vergader het, het ooreengekom om volgende week voort te gaan met onderhandelinge en ’n verenigde pad na die begroting te vind.
Geen gesprekke oor die hersamestelling van die RNE vind tans plaas nie.
Bronne: eNCA, IOL, EWNns
Lees ook: EFF daag aanvaarding van begroting uit in hooggeregshof
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected].
