Die ANC het gesê dit hoop die land se G20-vennote sal druk plaas op die administrasie van die Amerikaanse president, Donald Trump, om Suid-Afrika by die G20-beraad in 2026 in te sluit.
Lees ook: Trump skop G20-presidentskap af deur SA van webtuiste te verwyder
Dit volg nadat Trump gesê het Suid-Afrika sal nie genooi word nie en hy Suid-Afrika van volgende week se eerste G20-vergadering uitgesluit het.
Trump het gesê Suid-Afrika gaan uitgesluit word weens sy ongegronde bewerings van “verskriklike menseregtevergrype” waar blanke Suid-Afrikaners uitgemoor word en na willekeur op hulle grond beslag gelê word.
Die ANC se adjunkminister van internasionale verhoudings, Thandi Moraka, het gesê een lid kan nie besluit om ‘n G20-lid uit die beraad te hou nie. Sy het gesê: “Ons hoop G20-lede sal opstaan en sin praat met die VSA dat Suid-Afrika ‘n volle lid van die G20 is en dat daar geen manier is wat ons uitgesluit kan word van die aktiwiteite nie”.
Bronne: Cape Town ETC, IOL, Newsnote
Lees ook: VSA waarsku SA teen leiersverklaring by G20-beraad
