Australië stel wetgewing voor om kinders onder sestien jaar van sosiale media te verban. Hierdie platforms, insluitend TikTok, Instagram, Facebook en Snapchat, sal strafregtelik aanspreeklik wees indien hulle nie kinders weghou nie.
Die wet, wat teen die einde van die jaar in werking kan tree, stel boetes tot $32,5 m. vir oortredings voor. Tegnologiemaatskappye sal moet wys hulle het “redelike stappe” gedoen om kinders onder 16 te keer om vir rekeninge te registreer.
Australië is die eerste land wat sosialemediaplatforms in plaas van ouers aanspreeklik hou. Volgens premier Anthony Albanese is die wet bedoel om kinders se geestelike gesondheid te beskerm en ouers te ondersteun. Alhoewel sommige kinders steeds maniere sal vind om toegang tot sosiale media te kry, wil die regering ‘n sterk boodskap aan groot tegnologiemaatskappye stuur om hul platforms veiliger te maak.
Kenners waarsku dat kinders moontlik na minder veilige platforms kan beweeg, terwyl ander glo dat beter opvoeding oor veilige aanlyn gedrag ‘n meer doeltreffende oplossing sal wees.
Bronne: Financial Times, BBC
