VRYSTAAT. – Die liggaam van ‘n baba is deur ‘n huiseienaar in ‘n plastieksak in ‘n vrieskas in ‘n sinkhuis in Kutloanong gekry.
Volgens kapt. Stephen Thakeng is die Odendasalsrus-polisie omstreeks 09:00 na die toneel ontbied. Die ma (27) van die baba, die huurder van die sinkhuis, was nie ten tyde van die ontdekking tuis nie. Paramedici het die pasgeborene, wat reeds begin vries het, dood verklaar. Die ma het haarself die volgende dag aan die polisie oorhandig.
Thakeng het bevestig ‘n saak van verberging van geboorte word deur die polisie ondersoek.
Die ma sal vandag in die Odendaalsrus-landdroshof verskyn.
