MPUMALANGA. – Die GKS-eenheid (FCS) in die provinsie het ‘n beloning van R20 000 vir inligting wat tot die opsporing van Junior Mabandla (6) sal lei, uitgeloof.
Junior Mabandla het op 3 Junie vermis geraak. Enigiemand met inligting oor waar die seun hom bevind, kan speur.AO Vusumuzi Makamo by 060 774 9660 of 082 433 7210 bel.
Wenke kan anoniem gemaak word. Alle inligting sal as vertroulik hanteer word.
Nuusflits het voorheen soos volg berig:
Junior Mabandla (6) het Maandagmiddag omstreeks 15:00 in Pienaar vermis geraak toe hy van sy ouerhuis weg is om lekkergoed by ‘n spazawinkel te koop.
Kol. Donald Mdhluli sê Mabandla, wat ‘n swart trui en broek aangehad het, is nog nie weer gesien nie. Pienaar-polisie en die gemeenskap het ‘n soektog geloods, maar dit was tot dusver onsuksesvol.
Enigiemand met inligting oor waar Mabandla hom bevind, kan die GKS-bevelvoerder lt.kol. Tinyiko Mnisis by 082 079 2237 bel.
