Lees ook: Regter besluit binnekort oor Boeing-pleitooreenkoms
’n Satelliet wat deur Boeing vervaardig is, het oor die naweek in die ruimte uitmekaargeval, wat wye internetonderbrekings regoor die wêreld veroorsaak het.
Intelsat, wat die satelliet beheer, het aanvanklik eers gesê die satelliettoerusting het ophou werk maar dit is nou bevestig die satelliet het in stukke opgebreek.
Die satelliet, wat in 2016 gelanseer is, het reeds kort na die lansering probleme ondervind, en verdere kwessies het in 2017 opgeduik. Ten spyte van hierdie vroeë probleme, was die satelliet veronderstel om nog vir jare aan te hou funksioneer.
Die uitmekaarval van die satelliet het groot ontwrigting veroorsaak, aangesien dit ’n belangrike rol gespeel het in die verskaffing van internetdienste aan sowat 150 lande.
Bronne: Daily Mail, ABD Post, The Independent
Lees ook: Regter besluit binnekort oor Boeing-pleitooreenkoms
