LIMPOPO. – ‘n Bus met 81 passasiers van Great North Transport het Dinsdag naby die Moratiwa Crossing Shopping Complex in die Hlogotlougebied gerol. Altesaam 79 passasiers is by Ongevalle behandel en twee is vir verdere mediese hulp in ‘n hospitaal opgeneem.
Dieketseng Mashego, die LUR vir gesondheid in Limpopo, het op die departement van gesondheid se Facebook-blad gesê die buspassasiers is in die St. Ritas-hospitaal besoek. Die bestuurder het glo beheer verloor, waarna die bus gerol het.
““Ek is hier as die LUR vir Gesondheid in Limpopo om u spoedige herstel toe te wens en ook die bestuur en gesondheidswerkers te bedank vir hul vinnige optrede om ons mense te help en te verseker dat hulle behoorlike sorg kry,” het Mashego gesê.
Foto: Limpopo Departement van Gesondheid (Bophelong)
