WES-KAAP. – Die saak teen ‘n tienerseun wat daarvan beskuldig word dat hy Deveney Nel (16), ‘n voormalige gr. 10 leerling aan Hoërskool Overberg in Caledon, vermoor het, is tot 25 Junie vir ‘n hooggeregshof-datum uitgestel.
Eric Ntabazalila, woordvoerder vir die NVG in die provinsie, sê die beskuldigde het Maandag in die Caledon-landdroshof verskyn.
Nel het op 7 Augustus 2024 nie ná haar skool se sportwedstryde vir haar geleentheid huis toe opgedaag nie. Sy is as vemis aangemeld en haar liggaam is in die skool se stoorkamer aangetref. Die skool is die volgende dag as ‘n aktiewe misdaadtoneel gesluit en ‘n tiener is op aanklag van moord in hegtenis geneem. Die beskuldigde het psigiatriese evaluering ondergaan.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
One Response
Kan julle asb dit op intetnet ook uitsaai
Asb. Baie mense geintresseer in die saak ook