VSA. – Volgens die Withuis se perssekretaris, Karoline Leavitt, het Donald Trump weer dié week die sperdatum om TikTok te verban, uitgestel.
Lees ook: TikTok vir nog 75 dae veilig in VSA
Trump het ’n bevel geteken om die sperdatum met nog 90 dae uit te stel.
’n Wet is deur oudpresident Joe Biden geteken om TikTok te verban tensy ByteDance, die maatskappy wat TikTok besit, die toep aan ’n Amerikaanse persoon of maatskappy verkoop. Die wet het gevolg ná kommer oor die veiligheid van Amerikaanse gebruikers se data. Trump het in Januarie begin om die sperdatum uit te stel waarteen die toep verkoop moet word.
Hy het voorheen gesê hy is seker hy sal China en ByteDance kan oortuig om die toep te verkoop.
Bronne: BBC, New York Times, USA Today
Lees ook: TikTok vir nog 75 dae veilig in VSA
