NEW YORK, VSA. – Drie mans is die naweek oorlede en agt persone is beseer in ’n skietery by ’n New Yorkse restaurant.
Lees ook: Verskeie mense steeds vermis ná flitsvloede in Kasjmir
Die skietery het Vrydag tydens toemaaktyd by die Taste of the City Lounge plaasgevind.
Die polisie het 36 koeëldoppe op die toneel gevind en het gesê owerhede ondersoek die moontlikheid dat verskeie skieters by die gebeure betrokke was. ’n Vuurwapen is later naby die misdaadtoneel deur speurders gevind, maar dit is onbekend of dit met die aanval verbind kan word.
Nog niemand is in hegtenis geneem vir die aanval nie en die motief vir die aanval is onbekend.
Bronne: The Sun, Daily Mail, Financial Express
Lees ook: Verskeie mense steeds vermis ná flitsvloede in Kasjmir
