OOS-KAAP. – Drie verdagtes is Maandagaand in Indwe noodlottig gewond tydens ‘n skietery met die nasionale intervensie-eenheid (NIU) van die polisie.
Lt. kol. Siphokazi Mawisa sê die insident het na 19:00 gebeur toe die polisielede ‘n verdagte wit Toyota Etios met ‘n Oos-Kaapse registrasienommer voor ‘n kerk in Voortrekkerstraat in Indwe se sakegebied geparkeer gesien staan het.
Terwyl die polisie die voertuig genader en hulle geïdentifiseer het, het een van die insittendes van die Etios glo op hulle begin skiet. Die polisiebeamptes het teruggeskiet en al drie insittendes van die voertuig noodlottig gewond. Twee ongelisensieerde vuurwapens en ammunisie is saam met die Etios gekonfiskeer.
‘n Geregtelike doodsondersoek is geopen en Opod ondersoek die voorval.
