Paasfees is ‘n geseënde tyd vir familie en vriende om saam te wees. Jy kan dit nog lekkerder maak vir die kinders deur ‘n paar wit lekkergoedbedekte sjokolade-eiers met eetbare verf en klei en glitter vir hul voor te sit.
Hierdie is ‘n vinnige vingerverfresep deur Boererate
Bestanddele:
2 koppies meelblom
1 koppie koue water
4.5 koppies kookwater
voedselkleursel
Meng die meel met die koue water. Gooi nou koppie vir koppie kookwater by en roer deeglik na elke koppie wat jy bygooi. Dit behoort so dik soos vla te word. As dit nie wil verdik nie, plaas dit in ‘n kastrol op die stoof oor lae hitte.
Gooi nou in klein botteltjies en voeg verskillende kleure voedselkleursel by elkeen. Meng goed.
Hierdie soet klei deur Kreatiewe kos idees sal jou kinders ure besig hou terwyl hulle vir hul paaseiers hoedjies en stertjies maak.
Bestanddele:
80 ml margarien
80 ml stroop
1 ml vanieljegeursel
4 k versiersuiker
Metode:
Smelt die margarien, stroop en anielje saam. Laat effens afkoel en voeg versiersuiker by.
Knie baie goed om tot klei te vorm.
Verdeel klei en kleur met verskillende kleure kleursel.
Hierdie resep vanaf EFerrit is baie oulik as jy ‘n bietjie glitter vir hul wil voorsit.
Bestanddele:
- 1/4 koppie suiker
- 1/2 teelepel vloeibare koskleursel
Wit suiker of enige van die ander soorte kristalsuikers kan gebruik word. Vermy egter bruinsuiker (te klam) en strooisuiker (nie vonkel nie). Gebruik vloeibare voedselkleursel omdat pastakleursel moeiliker is om te meng en mag verkleur as dit gebak word.
- Meng die suiker en koskleursel bymekaar.
- Bak die gekleurde suiker teen 350 grade F (180 grade C) in ‘n oond vir 10 minute.
- Stoor die suiker glitter in ‘n verseëlde houer om dit teen vog te beskerm.
So kan jou kinders hulleself vermaak en bietjie kunstig raak en daarna dit nog eet ook!
Lees ook: Nasionale sjokoladekoek-dag
