ISRAEL. – Die Hostages and Missing Families Forum het saam met die families van gyselaars wat steeds in Gasa aangehou word betogings in Israel gereël.
Lees ook: Betogings in Israel duur voort
Die groep en die families het hoofpaaie blokkeer en gaan vanaand ’n byeenkoms in Tel Aviv hou. Die groep eis dat Israel se militêre operasies in Gasa moet stop, dat ’n skietstilstand bereik word en dat die gyselaars teruggekry moet word.
Die groep het ’n beroep op die Amerikaanse president, Donald Trump, gedoen vir hulp om ’n skietstilstandooreenkoms te finaliseer en die gyselaars te bevry. 20 gyselaars wat deur Hamas aangehou word, lewe nog, met sowat 30 dooies, waarvan die liggame steeds teruggehou word.
Die families en van die betogers het kommer uitgespreek dat nog militêre optrede deur Israel die gyselaars in gevaar sal stel en het gesê: “Ons wen nie ’n oorlog oor die liggame van gyselaars nie”.
Bronne: BBC, The Times of Israel, NDTV
Lees ook: Betogings in Israel duur voort
