VSA. – ’n Fluitjieblaser van Meta, die Amerikaanse tegnologiese konglomeraat, het gister (Woensdag) voor die Amerikaanse kongres getuig die maatskappy het die nasionale veiligheid ondermyn deur ’n besigheid van $18 miljard in China te bou.
Lees ook: Prins Harry appelleer oor beskerming in VK
Sarah Wynn-Williams, ‘n voormalige werknemer van Facebook, het gesê sy was getuie van hoe die Meta-base besluit het om die Chinese Kommunisteparty toegang tot die data van Meta-gebruikers te gee en dat die base saam met die party gewerk het om gebruikers te sensor wat teen die party is.
Meta het die bewerings by monde van sy woordvoerder ontken: “Die feit is dit: ons bied nie vandag ons dienste in China aan nie”.
Meta het wel erken hulle kry inkomste van adverteerders in China.
Bronne: BBC, Tech Crunch, Newsbytes
