WES-KAAP. – ‘n Pa, ma en tienerdogter van Brits in Noordwes wat met vakansie is, is Vrydag by Sandstrand, in Jongensfontein, deur ‘n stroom die see in meegesleur.
NSRI-Stilbaai is geaktiveer en het saam met twee branderplankryers na die gesin, ongeveer 800 m van die strand, gehaas, waarna hulle uit die water gered is. Die ma is bewusteloos in die water aangetref, alhoewel sy steeds asemgehaal het. Sy is op ‘n branderplank gesit, terwyl die pa en tienerdogter aan die ander een vasgehou het.
Met aankoms van die NSRI-reddingstuig is die gesin en branderplankryers, nou ongeveer 1 km die see in, ingelaai. ‘n Lewensredder en branderplankryers is terug na die strand. Die ma op die boot het weer begin asemhaal en sy is vir nie-verdrinkingsimptome behandel. By die NSRI-basis is die gesin met hulle jongste dogter herenig.
Die gesin is na ‘n plaaslike dokterspreekkamer geneem waar hulle behandel is.
