Drie mans, insluitend twee wat in verband met Aserie Ndlovu en Zodwa Mdhluli se verdwyning en moord gesoek is, is Maandagaand deur die polisie tydens ‘n klopjag in hulle wegkruipplek in Nokaneng, naby Rust de Winter, gearresteer. Die oorskot van die slagoffers is ook in dieselfde gebied gevind.
Brig. Athlenda Mathe sê genl. Fannie Masemola, die nasionale polisiekommissaris, bedank die publiek vir hulle samewerking met die verspreiding van inligting oor die gesoekte verdagtes op sosiale media, wat tot ‘n deurbraak in die saak en hulle inhegtenisneming gelei het. Die polisie het sedert Saterdag na Thato “Small” Madisha (24) en Sello Uoane (43) gesoek, waarna hulle uiteindelik saam met nog ‘n verdagte gearresteer is.
DNS-uitslae word afgewag. Owerhede het bevestig dat verdere ondersoeke aan die gang is en dat addisionele klagtes moontlik bygevoeg kan word.
Lees ook meer hier:
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
