WES-KAAP. – Vier gevalle van witseerkeel is deur laboratoriumtoetsing in die Kaapse metropool onder volwassenes bevestig. Een van die volwassenes het gesterf.
Die gesondheidsdepartement in die provinsie, NIOS en nasionale gesondheidslaboratoriumdienste monitor die gevalle en daar word gevra inwoners moenie paniekbevange raak nie, aangesien pogings aangewend word om die siekte te beheer.
Witseerkeel is ‘n aansteeklike bakteriële infeksie wat deur kontak met respiratoriese druppels van ‘n geïnfekteerde persoon oorgedra word. Kinders wat nog nie ten volle geïmmuniseer is nie en diegene met ‘n swak immuunstelsel loop ‘n risiko om witseerkeel tussen mense aan te steek.
Persone wat in die betrokke gebied kontak met die geïdentifiseerde persone gehad het, word gemonitor en indien enigiemand simptome van witseerkeel het, word behandeling toegepas.
Simptome sluit seer keel, koors, kouekoors, naarheid en probleme met asemhaling en sluk in.
Bron: Western Cape Government Health and Wellness
