Lees ook: AKA-verdagtes vandag weer in die hof
Google het ingestem om miljarde rekords se persoonlike inligting, wat by meer as 136 miljoen gebruikers in die VSA gekry is wat incognito mode vir internetsoektogte gebruik het, te verwyder.
Dit volg na ’n hofsaak waarin hulle daarvan beskuldig is dat hulle onwettig mense se datagebruik dophou terwyl incognito mode gebruik is. Incognito mode is veronderstel om te verhoed dat enige data bymekaargemaak word.
Google het die saak beveg, tot die regter hulle versoek om die saak te skrap, geweier het. ’n Skikking is bereik wat daartoe sal lei dat Google die inligting moet verwyder.
Hulle moet ook meer prominente privaatheidsinligting gee vir internetgebruikers wat die incognito-opsie wil gebruik. Beperkings sal ingestel word op die hoeveelheid inligting wat Google kan bymekaarmaak.
Bronne: NewsBytes, NPR, Fortune
Lees ook: AKA-verdagtes vandag weer in die hof
