PHOENIX, KZN. – ’n Tiener (17) van hier het Saterdagaand boodskappe aan vriende gestuur waarin hy gedreig het om ’n motor met ’n bom op te blaas.
In die boodskappe het hy beweer hy het drie bomme wat hy aanlyn bestel het. Hy het selfs ’n foto van ‘n bom bygevoeg.
Een van sy vriende het die boodskappe aan ’n lid van Reaction Unit South Africa (Rusa) gestuur. Rusa het die SAPD en Umhlali SAPD se K9-eenheid in kennis gestel.
Die SAPD het ondersoek ingestel en gevind die foto is van die internet afgelaai. Dit is glo identies aan ’n bomontwerp wat vir ’n Aerosoft-speletjie ontwikkel is.
’n Plofstofspesialis het aan Rusa bevestig die foto is vals.
Die Whatsapp-boodskap wat saam met die foto gestuur is:
Bronne: Reaction Unit South Africa, Facebook
