ISRAEL. – Die klimaatsaktivis, Greta Thunberg, het Israel daarvan beskuldig dat dit haar en 11 ander mense “ontvoer” het nadat hul seiljag verhinder is om Gasa te bereik.
Lees ook: Greta Thunberg se boot gekeer op pad na Gasa
Thunberg se beskuldiging is in ’n video op haar Instagram-blad deur die Freedom Flotilla Coalition geplaas.
In die plasing vra die koalisie dat die Sweedse regering hul burger (Thunberg) moet beskerm en dat sy geen dreigement vir Israel inhou nie. Dit voeg by dat Thunberg alle internasionale, humanitêre en menseregtewette gehoorsaam het.
Die boot was op pad na Gasa met “simboliese hoeveelheid hulp”, insluitend kos vir babas en mediese voorraad, wat hulle vandag wou aflaai.
Bronne: Instagram
Lees ook: Greta Thunberg se boot gekeer op pad na Gasa
