KIMBERLEY – Zinobia Breedt, ‘n inwoner van Kimberley, het die hond waaroor FiND iT gister berig het, tydelik ingeneem terwyl sy eienaar opgespoor word.
Breedt sê op ’n plasing op haar Facebook-blad sy het die reun op die hoek van Buchanan- en Franceystraat in New Park opgetel.
Die hond het gister in Stewartstraat in dieselfde buurt rondgeloop.
Breedt sê hulle gaan tot Vrydag vir hom sorg. Indien hulle nie sy eienaar teen môre vind nie, gaan hulle hom na die Kimberley-DBV neem.
Kry hom veilig tuis?
Enigeen wat inligting het wat kan help om sy eienaar op te spoor, kan vir FiND iT kontak by [email protected] of http://find-it.co.za/whatsapp/michael.
