KWAZULU-NATAL. – Vyf insittendes van ‘n bakkie is beseer toe dit Saterdagmiddag ‘n huis rakelings gemis en in die tuin te lande gekom het.
Samantha Meyrick van IPSS Medical Rescue sê die bestuurder het beheer oor die bakkie op die P710-pad naby Sundumbili verloor en is van die pad af die tuin in. Die insittendes het geringe tot ernstige beserings opgedoen. Vier beseerde persone is privaat, na ‘n nabygeleë mediese fasiliteit vervoer.
‘n Insittende wat ernstig beseer is, is deur IPSS op die toneel gestabiliseer, voordat daar vir verdere mediese hulp na ‘n nabygeleë fasiliteit gegaan is.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
