(Kyk beeldmateriaal deur op die blou gedeeltes te druk.)
OOS-KAAP. – Isabella Esterhuyze (10), wat onlangs met sarkoomkanker gediagnoseer is, het Saterdag met behulp van die The Reach For A Dream Foundation tyd saam met die Springbokke deurgebring.
Die jonge Isabella ontvang tans chemobehandeling en radiasieterapie. Sy was emosioneel toe sy die brief van die spesiale dag wat deur The Reach For A Dream Foundation aan haar gestuur is, ontvang het.
Sy het Saterdag as gelukbringer vir die Springbokke saam met die span uitgestap en die volkslied saamgesing. Kyk hier bo in die skakels na die spesiale boodskap van Siya Kolisi, die Springbokkaptein.
Isabella het ook die trofee van minister Gayton McKenzie aangevat, wat sy aan die Springbokkaptein oorhandig het na die Springbokke oor die Argentyne in die Castle Lager-rugbykampioenskap geseëvier het
#IsabellasDream#Springboks#SiyaKolisi#BraveHeart#Inspiration#childhoodcancerawareness
