GAUTENG. – Die Patriotic Alliance (PA) het aangekondig dat Kenny Kunene, die party se adjunkpresident, geskors is hangende ’n ondersoek ná aantygings rakende sy teenwoordigheid by die huis van ’n beweerde lid van ’n moordsindikaat.
Volgens Gayton Mckenzie, PA-president, het Kunene ingestem om met die ondesoek saam te werk en om tydelik uit sy politieke rol te tree, totdat sy naam skoon is. Hy sal nie enige amptelike pligte namens die party verrig tydens sy skorsing nie.
Kunene het dieselfde dag ook sy onmiddellike bedanking as raadslid van die Johannesburgse metroraad ingedien. In sy brief aan die speaker sê hy hy tree tydelik uit die openbare lewe sodat die party die aantygings teen hom kan ondersoek. Hoewel hy die bewerings as ongegrond beskryf, meen hy dit is in die openbare belang dat hy uittree totdat die ondersoek afgehandel is.
Kunene bedank die uitvoerende burgemeester, die stadsraad en inwoners vir die geleentheid om te dien en beklemtoon dat hy ’n lojale patriot sal bly.
Lees meer hier onder:
