GAUTENG. – ‘n Kat is Donderdagaand uit ‘n boom in Rooihuiskraal in Centurion gered waar dit vir 24 uur lank sonder kos of water gesit het.
Community Emergency Response Team (CERT) sê hulle span in die area is omstreeks 19:00 na die adres waar die kat was. Pogings deur die kat se eienaar om die dier uit die boom te kry, was onsuksesvol.
CERT het die spreekwoordelike kat uit die boom gekyk en gesien die troeteldier sit hoog in die boom en daar was slegs beperkte toegang. ‘n Jeuglid van Wierdabrug Sektor 2 GPF het dit gewaag en in die boom tot by die kat geklim. Kietsie is uit die boom verwyder en aan die verligte eienaar oorhandig.
CERT bedank Wierdabrug Sektor 2 GPF vir hulle hulp met die redding.
