VRYSTAAT. – Gert Bruhns (85) het op aanklag van moord op Erich Bruhns (56), sy seun, in die Bloemfontein-landdroshof verskyn. Die saak is vir ‘n formele borgtogaansoek tot 29 April uitgestel.
Sers. Mahlomola Kareli sê Bainsvlei-polisie het die aanklag van poging tot moord na moord verander. Volgens die polisie is die slagoffer op 19 April in die hospitaal opgeneem, nadat hy glo by ‘n woning in Midhurstlaan deur sy bejaarde pa in die nek geskiet is. Die verdagte is kort ná die voorval in hegtenis geneem terwyl hy na bewering probeer vlug het.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
