WES-KAAP. – ‘n Kleutermeisie (2) is Dinsdag in Luthangostraat, Sedgefield, met verskeie steekwonde dood aangetref. ‘n Verdagte (21) verskyn vandag in die hof.
Sers. Chistopher Spies sê aan Nuusflits die omstandighede van die kleuter se dood is deel van die polisie se ondersoek.
Spies sê die polisie is omstreeks 12:00 na die huis ontbied waar die kleuter se liggaam met veelvuldige steekwonde aangetref is. Sy is op die toneel dood verklaar.
“‘n Soektog na ‘n man wat vermoedelik by die moord betrokke was, het met die hulp van die gemeenskap gevolg. Die man is later deur ‘n lid van die publiek na die satellietpolisiestasie vergesel, waar hy in hegtenis geneem is.”
Hy is sedertdien in aanhouding tot hy vandag in die Knysna-landdroshof voorkom.
