LIMPOPO. – ‘n Kleutermeisie (3) is na bewering Vrydagaand deur ‘n onbekende verdagte in die Gabaza-woonbuurt buite Tzaneen in die Mopani-distrik verkrag.
Volgens kol. Malesela Ledwaba het die kleuter se ma haar tussen 18:00 en 19:00 alleen by die huis gelos. Die ma het teruggekeer en wou die kleuter bad toe haar jong dogter oor pyn by haar geslagsdele kla. Die ma het gekyk en na bewering bloedvlekke gesien. Die kleuter is vir ‘n mediese ondersoek na ‘n nabygeleë hospitaal geneem waar penetrasie bevesig is.
Ledwaba sê ‘n verkragtingsaak is by Maake-polisiestasie geregistreer en vir ondersoek na Tzaneen-GKS oorgeplaas.
Terwyl die ondersoek voortduur, is ‘n soektog na die onbekende verdagte geloods. Die polisie vra enigiemand met inligting om die ondersoekbeampte lt.kol. Isaac Mahlane by 082 469 2625 te bel.
“Parents and guardians are continuously urged to take extra care for their children to curb the scourge of sexual related offences especially against the children,” sê maj.genl. Jan Scheepers, die waarnemende provinsiale kommissaris.
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus.
