WES-KAAP. – ‘n Robwelpie is Sondag met behulp van die gemeenskap gered toe dit op Bayviewstrand in Hartenbos uitgespoel het.
Stranded Marine Animal Rescue Team (SMART) het ‘n oproep oor die welpie wat uitgespoel het, ontvang.
“Danksy hul vinnige optrede kon ons toegewyde vrywilligers vinnig reageer, die welpie red en dit veilig na Hartenbos Dierehospitaal vervoer, waar dit nou die sorg ontvang wat dit nodig het.”
SMART sê dit is welpseisoen en moedig enigiemand wat ‘n welpie in die moeilikheid of gestrand sien om hulle dadelik te kontak en nie self die welpie te probeer hanteer nie.
“Jy kan ‘n lewe red! ‘n Hartlike dank aan ons gemeenskap en vrywilligers wat help om kosbare seediere te beskerm. Kom ons gaan voort om saam te werk om hierdie kleintjies die beste kans te gee vir ‘n gesonde terugkeer na die natuur.”
Om ‘n gestrande welpie aan te meld, kan 072 227 4715 gebel word.
#SMARTRescue#SealPupSeason#MarineAnimalRescue#TeamSMART#Seal
