Willem Botha, gewilde SA-sanger en akteur, het Woensdagmiddag in Hans Strydomweg in Pretoria gery en gesien en verfilm hoe ‘n bakkie met ‘n oop enjinkap van die pad af en in ‘n boom vasry.
“OMW!!!!!! Net nog n normale dag in Pretoria op Hans Strydomweg. Hierdie het sopas gebeur. Dit lyk soos iets uit ‘n Leon Schuster movie. PS: Ek het vir 3 verkeersligte agter hulle gery met ‘n oop voor bonnet. Ek en soveel ander karre het vir hulle getoot en beduie hulle moet aftrek. En elke keer ry hulle verder en lag vir die mense wat verbyry en hulle waarsku. Die hele voorkant van die bakkie was reeds verkrummel! Nie een keer wou hulle aftrek nie.”
