KWAZULU-NATAL. – Meer as 14 persone het beserings opgedoen toe ‘n vragmotor vanoggend (Donderdag) ná 07:00 op die N3 by die Cliffdale-afrit deur verskeie voertuie en vragmotors geploeg het.
Garrith Jamieson van ALS Paramedics sê een insittende van ‘n voertuig is kritiek beseer en moes met spesiale toerusting deur Red-Line Rescue en die Ethekwini-brand-en-reddingsdienste uit ‘n wrak bevry word. Die Netcare911-lugambulans is ontbied om die pasiënt na ‘n hospitaal te vlieg. Bane in albei rigtings is vir verkeer na Pietermaritzburg en Durban gesluit.
Craig Botha van KwaZulu Private Ambulance Service sê voorlopige aanduidings is dat die vragmotor se remme glo omstreeks 07:40 naby die N3, Hammersdale, gefaal en in 14 voertuie ingeploeg het. Botha sê die ongeluk word deur owerhede ondersoek. Hy bevestig een persoon is kritiek beseer, terwyl nog 14 persone beseer is.
Video’s verskaf deur ALS Paramedics en Kwazulu Private Ambulance Service
