NIGERIË. – Sowat 60 mense is oorlede en verskeie steeds vermis, nadat ’n boot wat oorlaai was Dinsdag in Niger, Nigerië, ’n boomstomp getref en omgeslaan het.
Lees ook: Nog ’n naskok tref Afghanistan, dodetal styg
’n Houtboot met meer as 100 passasiers het Dinsdag ’n boomstomp wat onder die water was, getref en omgeslaan. Owerhede het bevestig die meeste van die slagoffers was vrouens en kinders. Die passasiers was op pad na ’n nabye dorpie om medelye uit te spreek teenoor iemand wie se familielid onlangs oorlede is.
Reddingswerk is steeds aan die gang, maar die voorsitter van die Borgu- plaaslike regering, Abdullahi Baba Ara, het gesê die “dodetal is besig om te styg”. Hy het gesê: “Ons doen alles wat ons kan, maar dis ‘n groot tragedie”.
Bronne: Africanews, BBC, The Indian Express
