OOS-KAAP. – Die liggame van twee seuns (12) is Maandag deur die polisie in Lusikisiki se K9-eenheid uit die Mthathadam gehaal.
Kapt. Welile Matyolo sê die twee seuns het Sondag omstreeks 14:00 in die dam verdrink. Hulle was deel van ‘n groep kinders wat geswem en toe onder die water verdwyn het. Die polisie is ontbied en ‘n soektog is geloods. Weens swak sigbaarheid is die soektog Maandag hervat.
Serse. Makhosonke en Nduva van die soek-en-reddingspan het die liggame suksesvol uit die diep, troebel water gehaal.
